Skakeitan en concierto en Oviedo

En Calle Eugenio Tamayo, 3, Oviedo / Uviéu

Ya ha pasado

Skakeitan en concierto en Oviedo

Conciertos y música

Empieza: viernes 19 mayo 2017 Termina: viernes 19 mayo 2017

Lugar
Sir Lauren's - Oviedo
Concejo
Más cosas que hacer en Oviedo / Uviéu
Predición 23 abr
Mín 0 / Máx 0 °C

Publicado por admin

Skakeitan en concierto en Oviedo presentando "Galera"
22:00 h.

Con más de 140 conciertos a los sos llombos en namás cuatro años, Skakeitan ye yá una de les bandes referenciales del nuevu panorama musical vascu. El pasáu mes d'avientu publicaron el so tercer discu ‘Galera’, un álbum formáu por soníos rock, reggae, hip hop, electrónica y ska, nel que destaquen les collaboraciones de Manu Chao, Fermin Muguruza, Aspencat y Itaca Band. El vienres 19 de mayu van volver a actuar en Asturies per tercer vegada.

Formaos en Donosti en 2008, Skakeitan empiecen el so camín a ritmu ska con ‘Ahots Gabekoen Ahotsa’ (2012), endurecen el soníu con ‘Orekariak’ (2014) y con ‘Galera’ vuelven a superase y sorprienden con nueve temes llenos de madurez, fusión, esperimentación y frescura. Too esto nuna dómina na que dieron milenta conciertos: pisaron tolos grandes escenarios del País Vascu –llegando a ser a teloneros de Manu Chao énte 60.000 persones-, tocaron en festivales como'l prestixosu Rototom Sunsplash y xiraron per Xapón y Suiza.

Tres entamar la xira de ‘Galera’ con entraes escoses na reputada Feria de Durango y dar los primeros conciertos d'ella pol País Vascu, Castiella y Cataluña, Skakeitan tornen a Uviéu con un conciertu entamáu por Ixuxú Asturies-Euskal Herria Elkartea. La cita va ser el vienres 19 de mayu na sala Sir Laurens a los diez de la nueche, con entrada anticipada –qu'inclúi sortéu de camisetes- por namás seis euros y na puerta por ocho euros con CD de regalu.

Galera
Rock, reggae, hip hop, electrónica y ska van de la mano nos cantares que formen ‘Galera’. El tercer discu de Skakeitan ye esi onde forxen el so soníu más personal y atrevíu, marcáu por una base rítmica contundente, guitarres aventureres, arreglos de vientos impecables y unes voces más agresives que llancen el so mensaxe dende les coraes. Destaquen tamién les collaboraciones: Manu Chao, Fermin Muguruza, Aspencat, Itaca Band, Asier Beramendi (Eraul) y el coru infantil de Laskorain, presten les sos voces a unes composiciones que llamen a tornar les coses y frayar colo impuesto, dexando claro que nun fai falta nenguna aprobación pa ello.
A mi agenda 0